চৰাইদেউ জিলাৰ এগৰাকী প্ৰগতিশীল কৃষকৰ উৎপাদনে এতিয়া সৃষ্টি কৰিছে এখন বজাৰৰ ৷ ধান, শাক-পাচলিৰ পৰা আৰম্ভ কৰি ছাগলী, কুকুৰা পালন কৰিয়ে তেঁও আৰম্ভ কৰিছে কৃষি বিল্পবৰ৷ কৃষি ভূমিৰ সঠিক ব্যৱহাৰ আৰু স্বাৱলম্বিতাৰ দিশত সফলতা লাভ কৰা এই প্ৰগতিশীল কৃষকগৰাকীয়ে হৈছে বৰহাট কৃষি চক্ৰৰ অন্তৰ্গত বৰপথাৰৰ গাঁৱৰ তনব গগৈ৷
কৃষি কৰ্মৰ প্ৰতি প্ৰবল হেঁপাহ থকা কৃষকগৰাকীয়ে প্ৰমাণ কৰি দেখুৱালে কৃষি কৰ্মৰ জৰিয়তেও সপোন দেখিব পাৰি, সপোন পূৰণ কৰিব পাৰি৷ বৰপথাৰ অঞ্চলত থকা কৃষকগৰাকীয়ে প্ৰতি বছৰে প্ৰায় ১৫ বিঘা মাটিত শালি ধানৰ খেতি কৰি আহিছে ৷ প্ৰধানকৈ ধান খেতিৰ জৰিয়তে লাভাম্বিত হোৱা তনব গগৈয়ে বাৰিষা কালত শাক-পাচলিৰো খেতি কৰি বজাৰ দখল কৰিবলৈ সক্ষম হয়৷
লগতে পঢ়ক-
১০ বছৰ আগলৈ কৃষি আৰু কৃষক বুলিলে নাক কোচাইছিল অসমীয়া মানুহে
বাৰিষা কালত বিশেষকৈ ভেন্দি, জিকা, তৰৈ, ধুন্দুলি আদি শাক-পাচলি খেতিৰ জৰিয়তে যথেষ্ট লাভ আহৰণ কৰিছে কৃষকগৰাকীয়ে৷ তেখেতৰ মত, অনুসৰি শীতকালতকৈ বাৰিষা কালত উৎপাদন হোৱা শাক-পাচলিৰ পৰাই বছৰটোৰ সৰ্বাধিক আয় সংগ্ৰহ কৰিবলৈ সক্ষম হয়৷ কৃষক তনব গগৈয়ে প্ৰায় ২-৩ লাখ টকা বাৰ্ষিক লাভ আহৰণ কৰে বৰ্ষাকালত৷
ইয়াৰ বিপৰীতে শীতকালত হোৱা বিভিন্ন কবিজাতীয় পাচলি, বেঙেনা, ব্ৰক'লি আদিৰ পৰাও ২-৫ লাখ টকা বাৰ্ষিক লাভ আহৰণ কৰে৷ ইয়াৰ উপৰি কৃষি বিভাগৰ সহযোগতো তেখেতে মাকৈ, ঘেঁহু আদিৰ খেতি কৰিয়ো যথেষ্ট লাভাম্বিত হৈছে৷ বৰহাট অঞ্চলৰ কৃষকগৰাকীয়ে এতিয়া সেই অঞ্চলৰ লগতে জিলাখনৰো বিভিন্ন স্থানলৈ বজাৰতো তেখেতৰ ফচল বিক্ৰীৰ বাবে প্ৰেৰণ কৰি আহিছে৷ তদুপৰি এইবাৰ তেওঁ পৰীক্ষামূলকভাৱে ঘেঁহ খেতি কৰিছিল।
লগতে পঢ়ক-