Krishi Jagran Tamil
Menu Close Menu

Singapore: ছিংগাপুৰে মুকলি কৰিলে বিশ্বৰ বৃহৎ ৪৫ খন ফুটবল খেলপথাৰৰ সমান সৌৰ পেনেল ফাৰ্ম, হ্ৰাস কৰিব CFC নির্গমন

Saturday, 17 July 2021 12:02 AM
World Largest Solar Panel in Singapore

World Largest Solar Panel in Singapore

ছিংগাপুৰে যোৱা বুধবাৰে বিশ্বৰ অন্যতম বৃহৎ ভাসমান সৌৰ পেনেল ফাৰ্ম মুকলি কৰে, যি 45খন ফুটবল খেলপথাৰৰ সমান এলেকাত বিস্তৃত। ইয়াৰ পৰা উৎপাদিত শক্তিৰ জৰিয়তে দেশখনৰ পাঁচটা পানী শোধনাগাৰ চলোৱা হ'ব। সংবাদ প্রতিষ্ঠান ৰয়টাৰৰ প্ৰতিবেদন অনুসৰি, দেশখনত স্থানৰ অভাৱৰ বাবে এই ভাসমান সৌৰ শক্তি পেনেল স্থাপন কৰাৰ সিদ্ধান্ত লোৱা হৈছিল। দক্ষিণ-পূৱ এছিয়াৰ দেশখনে জলবায়ু পৰিৱৰ্তনৰ মোকাবিলাত সহায় কৰাৰ বাবে ২০২৫ চনৰ ভিতৰত সৌৰ শক্তি উৎপাদন দুগুণ বৃদ্ধি কৰিবলৈ লক্ষ্য নির্ধাৰণ কৰিছে। জলবায়ু পৰিৱৰ্তনৰ ফলত সাগৰৰ জলস্তৰ বৃদ্ধিৰ বাবে দ্বীপৰাষ্ট্ৰখন ইতিমধ্যে ভাবুকিৰ সন্মুখীন হৈছে।

পশ্চিম ছিংগাপুৰৰ এটা জলাশয়ত অৱস্থিত, 60 মেগাৱাট-শীৰ্ষ সৌৰ ফটোভল্টেইক (PV) ফাৰ্মটো চেম্বকৰ্প ইণ্ডাষ্ট্ৰিজৰ এটা মালিকানাধীন কোম্পানীয়ে নিৰ্মাণ কৰিছে৷

কাৰ্বন নিৰ্গমন হ্ৰাস কৰিবলৈও ছিংগাপুৰে এনে পদক্ষেপ লোৱা বুলি উল্লেখ কৰা হৈছে। কোম্পানীটো আৰু ছিংগাপুৰৰ ৰাষ্ট্ৰীয় পানী সংস্থা PUB -ৰ এক যুটীয়া বিবৃতি অনুসৰি এই সৌৰ ফাৰ্মে বছৰি প্ৰায় 32 কিলোটন কাৰ্বন নিৰ্গমন হ্ৰাস কৰাত সহায় কৰিব পাৰে, যি 7,000 খন গাড়ী ৰাস্তাৰ পৰা নোহোৱা কৰে দৰে হব ।

পৰম্পৰাগত ছাদৰ সৌৰ পেনেলৰ বিপৰীতে, পানীৰ শীতল প্ৰভাৱৰ বাবে ফ্লোটিং বোৰে 5% ৰ পৰা 15% ভাল প্ৰদৰ্শন কৰে, আৰু প্ৰকল্পটোৰ ওপৰত এক প্ৰেজেণ্টেচন অনুসৰি আন অট্টালিকাৰ শ্বেডিংৰ দ্বাৰা প্ৰভাৱিত নহয়। 45 হেক্টৰ (111.2 একৰ) স্থানত 122,000 সৌৰ পেনেলৰ পৰা উৎপাদিত বিদ্যুতে ছিংগাপুৰক বিশ্বৰ ভিতৰত এখন অন্যতম দেশ কৰি গঢ়ি তুলিব। যাতে বহনক্ষম শক্তিৰ দ্বাৰা সম্পূৰ্ণৰূপে চালিত পানী শোধন প্ৰণালী থাকে।

এনে প্ৰকল্পবোৰৰ পাৰিপাৰ্শ্বিক প্ৰভাৱ সম্পৰ্কে উদ্বেগ আঁতৰাবলৈ, PUB-য়ে কৈছিল যে বন্যপ্ৰাণী বা পানীৰ মানদণ্ডৰ ওপৰত কোনো গুৰুত্বপূৰ্ণ প্ৰভাৱ নপৰাটো নিশ্চিত কৰিবলৈ সৌৰ পেনেল স্থাপন কৰাৰ আগতে এক মূল্যায়ন কৰা হৈছিল।

   সৌৰ পেনেলবোৰ ২৫ বছৰ ধৰি চলিবলৈ ডিজাইন কৰা হৈছে আৰু ৰক্ষণাবেক্ষণত সহায় কৰিবলৈ ড্ৰোন ব্যৱহাৰ কৰা হ'ব। বৰ্তমান, ছিংগাপুৰত আন চাৰিটা ফ্লোটিং সৌৰ পেনেল প্ৰকল্প চলি আছে।

Singapore solar panel World largest solar panel Solar panel

Share your comments

More on this section

Krishi Jagran Assamese Magazine Subscription Online Subscription

CopyRight - 2021 Krishi Jagran Media Group. All Rights Reserved.