উত্তৰাখণ্ডত ভয়ংকৰ ঘটনা। এখন হেলিকপ্টাৰ দুৰ্ঘটনাগ্ৰস্ত হৈ ৭ জন লোকৰ মৃত্যু। নিহত সকলৰ ভিতৰত হেলিকপ্টাৰখনৰ পাইলটগৰাকীও আছে। হেলিকপ্টাৰখন কেদাৰনাথৰ পৰা উভতি অহাৰ সময়তে এই দুৰ্ঘটনাটো সংঘটিত হোৱা বুলি জানিব পৰা গৈছে। আৰোহীসকল মূলতঃ তীৰ্থযাত্ৰী আছিল। বেয়া বতৰৰ বাবেই এই দুৰ্ঘটনাটো সংঘটিত হোৱা বুলি অনুমান কৰা হৈছে।
গৌৰ চাট্টি অঞলত হেলিৱকপ্টাৰখন পতিত হয়। নিহতসকলৰ মৃতদেহ ইতিমধ্যে উদ্ধাৰ কৰা হৈছে। কেদাৰনাথৰপৰা গুপ্তকাশী অভিমুখে হেলিকপ্তাৰখনে যাত্ৰা আৰম্ভ কৰাৰ কেইটামান মূহুৰ্তৰ পাছতে দুৰ্ঘটনাটো সংঘটিত হয়। উল্লেখ্য যে, কেদাৰনাথত আটাইতকৈ ডাঙৰ হেলিকপ্টাৰ দুৰ্ঘটনাটো ২৫ জুন, ২০১৩ তাৰিখে সংঘটিত হৈছিল।সেনাৰ এখন বিমান দুৰ্ঘটনাগ্ৰস্ত হৈ মৃত্যু হৈছিল ২২ জন জোৱানৰ। ২০১০ তো কেদাৰনাথ ধামত এখন ব্যক্তিগত হেলিকপ্টাৰৰ অনুৰাগীৰ খুন্দাত এজন স্থানীয় লোক নিহত হয়।
২০১৩ৰ ২১ জুনত গৰুড়চাট্টিৰ ওচৰৰ এটা পাহাৰত এখন ব্যক্তিগত হেলিকপ্টাৰ দুৰ্ঘটনাগ্ৰস্ত হয়। ২০১৩ ৰ ২৫ জুনত গৌৰীকুণ্ড আৰু ৰামবাদাৰ মাজৰ ঘন পাহাৰত কুঁৱলী আৰু বেয়া বতৰৰ বাবে সেনাৰ এখন বিমান দুৰ্ঘটনাগ্ৰস্ত হয়। এই ঘটনাত পাইলট, কো-পাইলটকে ধৰি ২০ জন সৈনিক শ্বহীদ হয়।
২০১৩ৰ ২৪ জুলাইত কেদাৰ উপত্যকাত এখন হেলিকপ্টাৰ দুৰ্ঘটনাগ্ৰস্ত হয়। এজন সহ-পাইলট আৰু এজন অভিযন্তা নিহত হৈছিল।
২০১৮ৰ ৩এপ্ৰিলত, সেনাৰ এমআই-১৭ বৈদ্যুতিক তাঁৰৰ সংস্পৰ্শলৈ আহি দুৰ্ঘটনাগ্ৰস্ত হয়। ঘটনাটোত সকলো যাত্ৰী অক্ষত অৱস্থাত আছিল।
২০১৯ৰ ২৩ ছেপ্টেম্বৰত কেদাৰনাথৰ হেলিপেডত উৰন্ত অৱস্থাতে ইউটি এয়াৰ হেলি কোম্পানীৰ এখন হেলিকপ্টাৰ দুৰ্ঘটনাগ্ৰস্ত হয়। অৱশ্যে, ঘটনাটোত কোনো লোক আহত হোৱা নাছিল।
লগতে পঢ়কঃ গৰুখুঁটিৰ গিৰ গাইৰ অৱস্থাৰ বুজ ল’লে মুখ্যমন্ত্ৰী হিমন্ত বিশ্ব শৰ্মাই