গ্ৰামাঞ্চলত দেখা যায় নিজৰ বাৰীখনত বহু মাটি থকা স্বত্তেও বহু মানুহে শাক বা জলকীয়া পুলি এটা নোৰুৱে। ইয়াৰ পৰিৱৰ্তে তেওঁলোকে দোকান-বজাৰৰ পৰা শাক-পাচলি কিনি আনে আৰু কোতিয়াবা ওচৰৰ ঘৰৰ পৰা খুজি আনে।
ইয়াৰ পৰিৱৰ্তে একাংশ মানুহ আছে যি চাকৰি কৰে আৰু তেওঁলোকে বজাৰ পৰা কিনিবলৈ সামৰ্থ্য থাকে অথচ ঘৰতে শাক-পাচলি বাৰী এখন ঘৰৰ শাক-পাচলি খায়। লগতে আজৰি বা ব্যস্ততাৰ মাজতে অকণমান সময় শাক-পাচলি বাৰীখনত দিয়ে বিনিময়ত শাক-পাচলি পোৱাৰ লগতে এক নান্দনিক সুখ পায়।
ৰাতিপুৱাই শুই উঠি শাক-পাচলিবাৰীখনত এপাক ফুৰি কিমান ভাল লাগে সেয়া এনেদৰে ঘৰতে খাবৰ বাবে শাক-পাচলি খেতি কৰা প্ৰতিজন ব্যক্তিয়ে উপলব্ধি কৰে। পুৱাই উঠি নিয়ৰত তিতা শাক-পাচলি বাৰীখনৰ সুগন্ধই কেনেদৰে মতলীয়া কৰে সেয়া বৰ্ণনা কৰা কৰিব নোৱাৰি মাথোঁ ইয়াক উপলব্ধি কৰিব পাৰি।
ওপৰত বৰ্ণনা কৰাৰ দৰে এখন শাক-পাচলিবাৰী আছে ৰাজ্যৰ পঞ্চায়ত আৰু গ্ৰামোন্নয়ন বিভাগৰ মন্ত্ৰী ৰঞ্জিত কুমাৰ দাসৰ। খাব পৰা মন্ত্ৰী ৰঞ্জিত কুমাৰ দাসৰ বাৰীৰ শাক। এই সন্দৰ্ভত তেওঁ টুইটত দুখন ফটো শ্বেয়াৰ কৰিছে। লগতে লিখিছে- ''আজি প্ৰাতঃভ্ৰমণ কৰি অহাৰ পিছত ঘৰতে হোৱা কিছু লাই আৰু মূলা শাক চিঙি আনিছোঁ ভাতৰ লগত এসাঁজ খাম বুলি।''
লগতে পঢ়ক- আপুনিও কৰক ঘৰতে এই কেইবিধ খেতি
Share your comments