নেপালত ভয়াৱহ বিমান দুৰ্ঘটনা। ৭২ যাত্ৰীসহ দুৰ্ঘটনাত পতিত হ’ল বিমান। দুৰ্ঘটনাৰ ফলত এতিয়ালৈকে ৪০ জন লোকৰ মৃত্যু হোৱাটো নিশ্চিত হৈছে। ৬৮ জন যাত্ৰী আৰু ৪জন ক্ৰু মেম্বাৰসহ বিমানখন পোখৰা বিমানবন্দৰৰ সমীপত দুৰ্ঘটনাত পতিত হয়।
নিহতসকলৰ ভিতৰত ৫ জন লোক ভাৰতীয় বুলি জানিব পৰা গৈছে। নিহত লোককেইজন সঞ্জয় জয়শোৱাল, চনু জয়শোৱাল, অনিল কুমাৰ ৰাজভৰ, অভিষেক কুশৱাহ আৰু বিশাল শৰ্মা।
ৰয়টাৰৰ মতে, বিমানখনত পাঁচজন ভাৰতীয়, চাৰিজন ৰাছিয়ান, এজন আইৰিছ আৰু দুজন কোৰিয়ান আছিল।
দুৰ্ঘটনাস্থলীত বৰ্তমান উদ্ধাৰ অভিযান চলি আছে। স্থানীয় সংবাদ মাধ্যমৰ প্ৰতিবেদন অনুসৰি বিমানখন দুৰ্ঘটনাগ্ৰস্ত হোৱাৰ পিছত জুই লাগিছিল।
দুৰ্ঘটনাস্থলীৰ এটা ভিডিঅ'ও ওলাইছে য'ত জুইৰ ধোঁৱাৰ এটা ডাঠ স্তৰ দেখা গৈছিল।
নেপালৰ অসামৰিক বিমান পৰিবহন কৰ্তৃপক্ষৰ (চিএএএন) মতে, ইয়েটি এয়াৰলাইনছৰ বিমান ৯এন-এএনচি-এটিআৰ-৭২ পুৱা ১০.৩৩ বজাত নেপালৰ ৰাজধানী কাঠমাণ্ডুৰ ত্ৰিভুৱন বিমানবন্দৰৰ পৰা উৰা মাৰিছিল। বিমানখন পোখৰা বিমানবন্দৰত অৱতৰণ কৰাৰ কথা আছিল।
পাইলটজনে এটিচিৰ পৰা অৱতৰণৰ অনুমতি লাভ কৰিছিল। কৰ্তৃপক্ষই কাৰিকৰী ত্ৰুটিৰ বাবে দুৰ্ঘটনা হোৱাৰ সম্ভাৱনা প্ৰকাশ কৰিছে।
লগতে পঢ়কঃ উন্নতজাতৰ গাই গৰুৰ বাবে যোগাযোগ কৰক বালাবাৰী মনেশ্বৰ কলিতাৰ লগত