দ্বিতীয় নহয়, এতিয়াৰে পৰা ভাৰত বিশ্বৰ আটাইতকৈ জনবহুল দেশ হিচাপে পৰিগণিত হ’ল ভাৰত। ৰাষ্ট্ৰসংঘৰ তথ্য অনুসৰি, বৰ্তমান ভাৰতে চীনক অতিক্ৰম কৰি ১৪২.৮৬ কোটি লোকৰ সৈতে বিশ্বৰ আটাইতকৈ জনবহুল ৰাষ্ট্ৰ হৈ পৰিল। ৰাষ্ট্ৰসংঘৰ বিশ্ব জনসংখ্যাৰ ডেশ্বব'ৰ্ড অনুসৰি চীনৰ জনসংখ্যা ১৪২.৫৭ কোটি।
পিউ ৰিচাৰ্চ চেণ্টাৰৰ মতে ১৯৫০ চনৰ পৰা ভাৰতৰ জনসংখ্যা এক বিলিয়নতকৈও অধিক লোক বৃদ্ধি হৈছে। যোৱা বছৰ, ১৯৬০ চনৰ পিছত প্ৰথমবাৰৰ বাবে চীনত লোকৰ সংখ্যা হ্ৰাস পাইছিল। বেইজিঙে ইয়াৰ কঠোৰ One Child Policy সমাপ্ত কৰে যিটো নেকি দেশখনে ১৯৮০ৰ দশকত অত্যাধিক জনসংখ্যাৰ আশংকাত আৰোপ কৰিছিল। জন্মৰ হাৰ হ্ৰাস আৰু ইয়াৰ কৰ্মশক্তিৰ বয়সৰ লগে লগে চীনে জন গাঁথনিগত হ্ৰাসৰ সন্মুখীন হৈছে।
ৰাষ্ট্ৰসংঘৰ তথ্য অনুসৰি, ২০২৩ চনৰ মাজভাগলৈ বিশ্বব্যাপী জনসংখ্যা ৮.০৪৫ বিলিয়ন হ'ব। আফ্ৰিকাতো, বৰ্ধিত জনসংখ্যাৰ প্ৰৱণতা দেখা যায়। অনুমান কৰা হৈছে যে বিশ্বৰ দ্বিতীয় সৰ্ববৃহৎ মহাদেশত ২১০০ চনৰ ভিতৰত ইয়াৰ জনসংখ্যা ১.৪ ৰ পৰা ৩.৯ বিলিয়নলৈ বৃদ্ধি হ'ব। ১০ মিলিয়নতকৈও অধিক বাসিন্দা থকা আঠখন ৰাষ্ট্ৰ, যাৰ বেছিভাগ ইউৰোপত আছে, যোৱা এক দশকত তেওঁলোকৰ জনসংখ্যা হ্ৰাস হোৱা দেখা গৈছে। জাপানতো ইয়াৰ বৃদ্ধ জনসংখ্যাৰ বাবে হ্ৰাস পাইছে, ২০১১ আৰু ২০২১ চনৰ ভিতৰত জাপানত তিনি নিযুতৰো অধিক জনসংখ্যা হ্ৰাস পাইছে।
ৰাষ্ট্ৰসংঘৰ মতে, ভৱিষ্যতৰ জনসংখ্যা বৃদ্ধি ভৱিষ্যতৰ উৰ্বৰতাই গ্ৰহণ কৰিব লগা পথৰ ওপৰত যথেষ্ট নিৰ্ভৰশীল। বিশ্ব জনসংখ্যা সম্ভাৱনাই (২০২২) কৈছিল যে বিশ্বব্যাপী উৰ্বৰতা ২০২১চনত প্ৰতি গৰাকী মহিলাৰ বাবে ২.৩ শিশুৰ পৰা ২০৫০ চনত ২.১ লৈ হ্ৰাস হোৱাৰ সম্ভাৱনা আছে।
লগতে পঢ়ক-
Share your comments