সমগ্ৰ বিশ্বৰ লগতে জলবায়ু পৰিৱৰ্তনে দেখা দিছে অসমতো। ফলত ইয়াৰ ব্যাপক প্ৰভাৱ পৰিছে ৰাজ্যৰ কৃষিক্ষেত্ৰখনত। এই পৰিৱৰ্তনে মাধমাৰ সোধাইছে খাটিখোৱা ৰাজ্যৰ একাংশ চহা কৃষকক ৷
তথ্য অনুসৰি, চলিত বৰ্ষৰ জুলাই, আগষ্ট মাহত বৰষুণৰ পৰিমাণ আটাইতকৈ কম হৈছিল ৷ যাৰ ফলত ৰাজ্যখনৰ বহু জিলাত খৰাং সদৃশ পৰিৱেশৰ সৃষ্টি হোৱা পৰিলক্ষিত হয় ৷ ৰাজ্যৰ বিশেষকৈ নগাঁও, নলবাৰী, কাছাৰ, গোলাঘাট আৰু কামৰূপত এই ভয়াৱহ খৰাং সদৃশ পৰিস্থিতিৰ সৃষ্টি হয় ৷
এনে পৰিৱেশ সৃষ্টি হোৱাৰ হেতুকে ৰাজ্যৰ কৃষি বিভাগে ইতিমধ্যে দুৰ্যোগ ব্যৱস্থাপনা বিভাগক উক্ত পাঁচখন জিলাক অনুষ্ঠানিকভাৱে খৰাং সদৃশ জিলা বুলি ঘোষণা কৰাৰ এক প্ৰস্তাৱ দিছে ৷ কিন্তু বৰ্তমানলৈকে অনুষ্ঠানিকভাৱে দুৰ্যোগ ব্যৱস্থাপনা বিভাগে এই ঘোষণা কৰা নাই ৷ কিয়নো সকলো দিশ চালি-জাৰি চোৱাৰ অন্ততহে দুৰ্যোগ ব্যৱস্থাপনা বিভাগে কোনো নিৰ্দিষ্ট তথ্য ৰাজহুৱা বা ঘোষণা কৰিব ৷ এই সন্দৰ্ভত সংবাদ মাধ্যমক জনায় কৃষিমন্ত্ৰী অতুল বৰাই ৷
কৃষিমন্ত্ৰী অতুল বৰাই উল্লেখ কৰা অনুসৰি, ৰাজ্যত খৰাং সদৃশ পৰিৱেশৰ সৃষ্টি হোৱাৰ বাবে ৫ জিলাৰ ১২৩৬ খন গাঁৱৰ কৃষক বিপদৰ সন্মুখীন হৈছে ৷ ইয়াৰে ভিতৰত আছে ৫৯৩৬০ টা কৃষক পৰিয়াল ৷ যাৰ এতিয়া পানীত হাঁহ নচৰা অৱস্থাৰ সৃষ্টি হৈছে ৷
লগতে পঢ়ক- ৫৯ বছৰ বয়সতো বছৰি ২ লাখ টকা উপাৰ্জন ডিমাকুছিৰ বিষ্ণু খড়েলৰ