গৰ্ভৱতী আৰু সন্তানক গাখীৰ খোৱাই থকা মাতৃসকলৰ বাবে ভাল খবৰ। প্ৰধানমন্ত্ৰী মাতৃ বন্দনা আঁচনিৰ এই মহিলাসকলক অৰ্থসাহাৰ্য প্ৰদান কৰিব কেন্দ্ৰীয় চৰকাৰে। আপুনি যদি গৰ্ভৱতী তেতিয়া হ’লে আপুনিও লাভ কৰিব কেন্দ্ৰীয় চৰকাৰৰ এই অৰ্থসাহাৰ্য। এই আঁচনিৰ অধীনত মহিলাসকলক পুষ্টি প্ৰদানৰ বাবে ৬ টা কিস্তিত ৬০০০ টকা প্ৰদান কৰে। প্ৰথম কিস্তিত ১০০০ টকা, দ্বিতীয় কিস্তিত ২০০০ টকা আৰু তৃতীয় কিস্তিত ১০০০ টকা আৰু চতুৰ্থ কিস্তিত ২০০০ টকা প্ৰদান কৰিব।
এই আঁচনিৰ সুবিধা লাভ কৰিবলৈ গৰ্ভৱতী মহিলাসকলে আশা বা এএএনএছৰ জৰিয়তে আবেদন কৰিব পাৰিব। আবেদন কৰিবলৈ প্ৰয়োজন হ’ব স্বামীৰ আধাৰ কাৰ্ড আৰু বেংক পাছবুকৰ জেৰক্স কপি। বেংক একাউণ্ট জইণ্ট হ’লে নহ’ব। অনলাইনতো আবেদন কৰিব পাৰে তেওঁলোকে। আঁচনিৰ সুবিধা সকলো মহিলাই যাতে লাভ কৰে সেয়া নিশ্চিত কৰিব কেন্দ্ৰই। প্ৰসৱ চৰকাৰী হাস্পতালতে হওক বা বেচৰকাৰী হাস্পতালতে হওক সকলোৱে পাব এই সুবিধা। মোদী চৰকাৰৰ এই প্ৰধানমন্ত্ৰী মাতৃবন্দনা আঁচনিত বৰ্তমান গৰ্ভৱতী মহিলাসকলে ৫০০০ টকাকৈ আৰ্থিক সাহায্য লাভ কৰে। এই আঁচনি আৰম্ভ হৈছিল ২০১৭ চনত।
লগতে পঢ়ক- অসমত ধেমচি খেতিৰ সম্ভাৱনাৰ
এই আঁচনিৰ জড়িয়তে গৰ্ভৱতী মহিলাসকলক ৬ হাজাৰ টকা দিয়াৰ মূলতে আছে :
- গৰ্ভধাৰণ, প্ৰসৱ আৰু স্তন্যপান কৰোৱা সময়ত উপযুক্ত অনুশীলন, যত্ন আৰু প্ৰাতিষ্ঠানিক সেৱাৰ ব্যৱহাৰ বৃদ্ধি কৰা
- মহিলাসকলক প্ৰথম ছয় মাহৰ বাবে আগতীয়া আৰু স্তন্যপান সহ (অনুকূল) পুষ্টি আৰু আহাৰ প্ৰদান অব্যাহত ৰখা প্ৰক্ৰিয়া অনুসৰণ কৰিবলৈ উৎসাহিত কৰা; আৰু
- গৰ্ভৱতী আৰু স্তন্যপান কৰা মাতৃসকলক উন্নত স্বাস্থ্য আৰু পুষ্টিৰ বাবে নগদ উদগনি প্ৰদান কৰা।
উল্লেখ্য যে ২০১৭ চনত আঁচনিখন পূৰ্বৰ ইন্দিৰা গান্ধী মাতৃত্ব সহযোগ যোজনাৰ পৰা প্ৰধানমন্ত্ৰী মাতৃ বন্দনা যোজনালৈ নামকৰণ কৰা আৰু মাতৃত্ব লাভ কাৰ্যসূচী সমগ্ৰ ৰাষ্ট্ৰক অন্তৰ্ভুক্ত কৰিবলৈ নিৰ্ধাৰণ কৰা হৈছে। প্ৰধানমন্ত্ৰী নৰেন্দ্ৰ মোদীয়ে ২০১৭ চনৰ নতুন বছৰৰ আগৰ ভাষণত ঘোষণা কৰে যে দেশৰ ৬৫০খন জিলাক অন্তৰ্ভুক্ত কৰিবলৈ আঁচনিখন বৃদ্ধি কৰা হ'ব। ঘোষণাটো গুৰুত্বপূৰ্ণ কিয়নো ভাৰতত বিশ্বৰ সকলো মাতৃৰ মৃত্যুৰ ১৭% আছে। দেশৰ মাতৃ মৃত্যুৰ অনুপাত প্ৰতি ১,০০,০০০ জীৱন্ত জন্মত ১১৩ বুলি অনুমান কৰা হৈছে, আনহাতে প্ৰতি ১,০০০ জীৱন্ত জন্মত শিশুমৃত্যুৰ হাৰ ৩২ বুলি অনুমান কৰা হৈছে। উচ্চ মাতৃ আৰু শিশু মৃত্যুৰ প্ৰাথমিক কাৰণবোৰৰ ভিতৰত গৰ্ভধাৰণ আৰু সন্তান জন্মৰ সময়ত দুৰ্বল পুষ্টি আৰু অপৰ্যাপ্ত চিকিৎসা সেৱা অন্যতম।
লগতে পঢ়ক- এসময়ৰ চাহ দোকানী মোডীৰ প্ৰিয় শাকবিধৰ দাম কিমান জানেনে!