তিলৰ তেল অতি মূল্যৱান। প্ৰায় সকলো ৰাজ্যতে উৎপন্ন হোৱা অতি লাভজনক তিল খেতিৰ কৃষি পদ্ধতি চমুকৈ এনেধৰণৰ-
মাটি -
পানী ওলাই যোৱাৰ সু-ব্যৱস্থা থকা বালি পলসুৱা মাটি এই খেতিৰ বাবে উপযুক্ত।
পথাৰ প্ৰস্তুত:
৩-৪ বাৰ হাল বাই, মৈ দি মাটিডৰা মিহি কৰি ল’ব লাগে।
বীজ সিঁচাৰ সময় -
জুলাই মাহৰপৰা ছেপ্তম্বৰৰপ্ৰথম পষেকৰ ভিতৰত বীজ সিঁচিব লাগে।
বীজ নিৰ্বাচন:
এছ পি ১১৮১(মুগা)- ৭০-৭৫ দিন
এছ টি ১৬৮৩(ক’লা)- ৯০-৯৫ দিন
গৌৰী(মুগা)- ৭৫-৮০ দিন
বিনায়ক(মুগা)- ৭৫-৮০ দিন
আৰ টি-১(ক’লা)- ৮০-৯০ দিন
পঞ্জাব তিল নং-১(বগা)- ৭৫-৮৫ দিন
লগতে পঢ়ক-
Gir Gaai : এজনী গিৰ গাইৰ দাম কিমান, দৈনিক কিমান লিটাৰ গাখীৰ দিয়ে!
বীজৰ পৰিমাণ -
সিঁচি কৰা বা শাৰীবদ্ধ প্ৰণালীৰে কৰা- উভয় ক্ষেত্ৰতে প্ৰতি বিঘাত ৬০০ গ্ৰাম বীজৰ প্ৰয়োজন।
ব্যৱধান:
শাৰীৰ মাজত ৩০ ছেন্টিমিটাৰ আৰু গছৰ মাজত ১৫ ছেন্টিমিটাৰ।
সাৰ প্ৰয়োগ -
পচন সাৰ বা গোবৰ সাৰ বিঘাত ১০ কুইন্টল ৰাসায়নিক সাৰ(বিঘাই প্ৰতি) ইউৰীয়া-৯ কিলোগ্ৰাম, একক ছুপাৰ ফছফেট- ১৮ কিলোগ্ৰাম, মিউৰেট অব পটাচ ৫ কিলোগ্ৰাম। বীজ সিঁচাৰ সময়ত সমুদায় সাৰ প্ৰয়োগ কৰিব লাগে।
প্ৰতিপালন:
২০ দিন পিছত খুৰপি বা কোৰেৰে বনবাত নিৰাই দিব লাগে।
খেতি চপোৱা -
পাত আৰু গা-গছবোৰ হালধীয়া হ’লে, পাত সৰিবলৈ ধৰিলে আৰু গুৰিৰ পিনে ছেঁইবোৰ হাতেৰে চেপি দিলে ওপৰৰ পিনৰপৰা ফাটিবলৈ ল’লে খেতি চপাব লাগে।
উৎপাদন:
হেক্টৰে প্ৰতি ৬-৮ কুইন্টল।
লেখক: প্ৰবোধ চন্দ্ৰ শৰ্মা
লগতে পঢ়ক-
Share your comments