সহজতে আৰু কম খৰচতে অধিক উপাৰ্জন কৰিব পৰা খেতিসমহূৰ অন্যতম কুন্দুলি খেতি। ইযাৰ আৰু এটা যোগাত্মক দিশ হ’ল ইয়াক এবাৰ কৰিলে চাৰি-পাঁচ বছৰলৈ একেৰাহে ফল দি থাকে। বৰ্তমান বজাৰত ১ কেজি কুন্দুলিৰ দাম ৪০ পৰা ৬০ টকাৰ ভিতৰত। অসমৰ সকলো শ্ৰেণী মানুহৰ মাজত কুন্দুলি জনপ্ৰিয়। গতিকে বজাৰত কুন্দুলিৰ চাহিদা কোনোদিনে কম নহয়। তদুপৰি খাবলৈ ই বৰ ভাল। যিকোনো ভাজি শাকৰ লগত ই মিলি যায়। কেৱল অসমতে নহয় কুন্দুলি ভাৰতবৰ্ষৰ প্ৰতিখন ৰাজ্যৰ মানুহেই কুন্দুলি চিনি পায় আৰু খায়। অসমৰ কৃষকসকলে অধিক পৰিমাণে উতপাদন কৰিব পাৰিলে এই ৰাজ্যসমূহলৈ ৰপ্তানি কৰিব ভাল উপাৰ্জন কৰিব পাৰিব। কাৰণ কুন্দুলি অসমৰ জলবায়ুৰ বাবে বৰ উপযোগী। একো প্ৰতিপালন নকৰাকৈ বাৰীৰ ঢাপতে গোৱৰ অলপ দি কুন্দুলিৰ লতা এডাল পেলাই দিলে লমা-লমে লাগে কুন্দুলি। গতিকে কৃষকসকলে ব্যৱসায়িকভিত্তিত আৰু বিজ্ঞানসন্মত পদ্ধতিৰে যদি এই খেতি কৰে তেতিয়া কিমান লাগিব সেয়া সহজে অনুমেয় নহয়।
অসমৰ কৃষকসকলে কুন্দুলিৰ ডাল ৰোপণ কৰে। কুন্দুলিৰ পুৰঠ ডালবোৰ ১ ফুট দীঘলকৈ কাটি পোনপটীয়াকৈ ৰুৱ পাৰে নাই বা কোনো ঠাইত পচাই থৈ পুলি কৰি মূল কৃষিপথাৰত ৰুব পাৰে। বৰ্তমান কুন্দুলিৰ গুটিও পোৱা যায়। বীজ ভাণ্ডাৰ অথবা এমাজনত অৰ্ডাৰ কৰিও আনিও ডালৰ সলনি গুটিৰে এই খেতি কৰিব পাৰে। জিকা বা অন্য লতাজাতীয় খেতি কৰিবলৈ চহোৱাৰ দৰে মাটিডৰা চহাই লৈ শাৰী শাৰীকৈ ৰুব লাগে। শাৰীৰ পৰা শাৰীৰ দূৰত্ব দুই পৰা আঢ়ৈ মিটাৰ আৰু পুলিৰ পৰা পুলিৰ দূৰত্ব এক মিটাৰ হ’ব লাগে।
লগতে পঢ়ক-
Zinger Farming : ভালদৰে কৰিলে এবিঘা মাটিতে ৮-৯ মাহতে চকুমুদি লাভ কৰিব আঢ়ৈ লাখ টকা
কুন্দুলি লতাজাতীয় উদ্ভিদ গতিকে কুন্দুলিক বগাই যাব পৰাকৈ হেন্দালি দিব লাগে। ওপৰত সেই কাৰণে শাৰীৰ পৰা শাৰীৰ দূৰত্ব আঢ়ৈ মিটাৰ দিব লাগে বুলি কোৱা হৈছে কাৰণ শাৰীৰ বিলাকৰ মাজত বগাবলৈ এই হেণ্ডালিৰ প্ৰয়োজন। হেণ্ডালিখনৰ ছফুটমাহ হ’ব। ওখ হ’লে কৃষকগৰাকীয়ে সময়মতে সাৰ-পানী যোগান ধৰিবলৈ সুবিধা হোৱাৰ লগতে অলাগতিয়াল বন-বাতবোৰ গুচাবলৈ সুবিধা হয়। লগতে বেছি ওখ হলেও আকৌ চিঙিবলৈ অসুবিধা হয়। হেণ্ডালিখন ঘৰৰ চালৰ দৰে কৰিব লাগে।
কুন্দুলি এবাৰ ৰোৱাৰ পাছতে চাৰিবছৰলৈ লাগে। নিয়মিত সাৰ-পানী যোগান ধৰিব পাৰিলে বাৰ মাহেই ফল লাগে। শীতকালৰ সময়ত কুন্দুলিৰ হেণ্ডালিৰ পৰা বাঢ়ি যোৱা ডালবোৰ কলম কৰি দিব লাগে। বহু কৃষকে শীতকালত কুন্দুলিজোপা প্ৰায়বিলাক ডাল কাটি দিয়া দেখা যায়। কুন্দুলি এবিঘা মান কৰিলে চাৰিটা বছৰত কৃষকজনে বৰ বেছি কষ্ট আৰু মুলধন খৰচ নকৰাকৈ ঘৰখন চলাই নিব পৰাকৈ উপাৰ্জন কৰিব পাৰিব। এই বিষয়ে অধিক জানিবলৈ কোনো অভিজ্ঞ কৃষকৰ লগত কথা পাতিলে কৃষকগৰাকী বেছি উপকৃত হ’ব।
লগতে পঢ়ক-
Share your comments