মহিলাৰ সুৰক্ষাৰ বাবে আবিস্কাৰ হ’ল ইলেক্ট্ৰনিক ডিভাইচ

প্ৰতিদিনে বাতৰি কাকত, ছ'ছিয়েল মিডিয়াত দেখিবলৈ পোৱা যায় মহিলাসকল বিভিন্নক্ষেত্ৰত নিৰ্যাতনৰ সন্মুখীন হৈ আহিছে। ৷ দেশৰ শাসন ব্যৱস্থাত নাৰী সুৰক্ষাৰ বাবে কঠোৰতকৈ কঠোৰ আইন প্ৰণয়ন কৰা হৈছে যদিও আজিৰ সমাজত সুৰক্ষিত নহয় প্ৰতিগৰাকী নাৰী ৷  নাৰী সুৰক্ষাৰ এই বিশেষ প্ৰসংগটোক গুৰুত্ব দি মিৰাট ITI ৰ একাংশ ছাত্ৰ-ছাত্ৰীয়ে এটা ইলেক্ট্ৰনিক ডিভাইচ নিৰ্মাণ কৰি উলিয়াইছে ৷ এই ডিভাইছটোৰ সহায়ত মহিলাৰ বিৰুদ্ধে সংঘটিত যিকোনো অপৰাধৰ বিৰুদ্ধে কঠোৰ ব্যৱস্থা গ্ৰহণ কৰাৰ ক্ষেত্ৰত সহায়ক হ’ব ।

এই ডিভাইচটোৰ নাম হৈছে Woman Safety Device ৷ এই Woman Safety Device টোৰ দ্বাৰা সম্ভাব্য নিৰ্যাতনৰ মুখামুখী হ’লেই মহিলাসকলে দুষ্কৃতিকাৰীক বিদ্যুৎস্পৃষ্ট কৰি তুলিব ডিভাইচটো নিৰ্মাণৰ লগত জড়িত ছাত্ৰ-ছাত্ৰীসকলে দাবী কৰা অনুসৰি, যুৱতী তথা মহিলাসকলে ইয়াক পিন্ধি নিৰ্ভয়ে ঘৰৰ পৰা ওলাই যাব পাৰিব । টেম্পাৰিং হ’লেই ডিভাইচটোৱে হাই ভল্টেজ বিদ্যুৎ উৎপন্ন কৰিব আৰু দুষ্কৃতিকাৰীক প্ৰবল বৈদ্যুতিক শ্বক দিব ।

লক্ষ্যণীয় যে, ITI ৰ ইলেক্ট্ৰনিক মেকানিকৰ ছাত্ৰ আয়ুষ আৰু অদিতিয়ে নিৰ্মাণ কৰিছে Woman Safety Device নামৰ এই বিশেষ ডিভাইচটো । অৱশ্যে ইয়াক প্ৰস্তুত কৰাৰ ক্ষেত্ৰত তেওঁলোকৰ আন বহুকেইগৰাকী সহপাঠীয়েও সহযোগিতা আগবঢ়াইছে । প্ৰায় এমাহৰ কঠোৰ পৰিশ্ৰমৰ অন্তত নিৰ্মাণ হৈ উঠিছে এই ডিভাইচটো । ডিভাইচটো মহিলাৰ চেণ্ডেলত সংলগ্ন কৰা হৈছে ।

লগতে পঢ়ক- উদঙীয়া গৰু আৰু বান্দৰৰ বিৰুদ্ধে কৃষকসকলে জনমত গঠন কৰক

ডিভাইচটো নিৰ্মাণৰ লগত জড়িত ছাত্ৰ-ছাত্ৰীসকলৰ মতে, মহিলাক নিৰ্যাতন মূহূৰ্তত ডিভাইচটোৰ চুইচ অন কৰাৰ লগে লগেই 400 কেভিৰ বিদ্যুৎ এৰি দিব । ইলেক্ট্ৰনিক মেকানিকৰ ছাত্ৰ আয়ুষে জনোৱা মতে, এই ডিভাইচটো মহিলাসকলৰ চেণ্ডেলত ইমান নিখুটকৈ ফিট কৰা হৈছে যে তাৰ বিষয়ে কোনেও জানিব নোৱাৰে । বহুকেইটা ইলেক্ট্ৰনিক উপাদান স্থাপন কৰি বেটাৰীৰ জৰিয়তে তাত বিদ্যুৎ সংলগ্ন কৰি দিয়া হৈছে । তাৰোপৰি ই এটা অতি শক্তিশালী ডিভাইচ ।

ITI খনৰ সমন্বয়কগৰাকীয়ে কয় যে  এই যন্ত্ৰটো অধিক ফলপ্ৰসূ কৰিবলৈ অধ্যক্ষই নিৰ্দেশনাও দিছে । এতিয়া ইয়াৰ বাবে জোতা নিৰ্মাণ কোম্পানীৰ সৈতে যোগাযোগ কৰা হ’ব । বৰ্তমান এই ডিভাইচটোৰ বহু শলাগ লোৱাৰ লগতে নিৰ্মাণত জড়িত ছাত্ৰ-ছাত্ৰীসকলক প্ৰশংসা কৰাও পৰিলক্ষিত হৈছে ।

লগতে পঢ়ক- গৰুৰ বাবেই ৫০ বছৰ পিছুৱাই আছে অসমৰ কৃষিখণ্ড!