অসমৰ কৃষকসকলক কৃষি কাৰ্যৰ বাবে প্ৰয়োজনীয় মূলধন অতি কম সূদত আৰু সহজতে উপলব্ধ কৰোৱাৰ উদ্দেশ্যে কেন্দ্ৰীয় চৰকাৰে আৰম্ভ কৰা এক যুগান্তকাৰী আঁচনি হৈছে কিষাণ ক্ৰেডিট কাৰ্ড (KCC)। এই আঁচনিৰ জৰিয়তে কৃষকসকলে মহাজন বা ব্যক্তিগত ঋণদাতাৰ শোষণৰ পৰা হাত সাৰি নিজৰ খেতিডৰা সুকলমে কৰি যাব পাৰে।
কিষাণ ক্ৰেডিট কাৰ্ড (KCC) ঋণ কি?
KCC হৈছে কৃষকসকলৰ বাবে এটা বিশেষ ক্ৰেডিট একাউণ্ট। ইয়াৰ অধীনত কৃষকে শস্যৰ উৎপাদন, বীজ-সাৰ ক্ৰয়, খেতি চপোৱাৰ পিছৰ খৰচ আৰু আনকি পশুপালন বা মীন পালনৰ বাবেও হ্ৰস্বম্যাদী ঋণ লাভ কৰিব পাৰে। এই ঋণৰ আটাইতকৈ ডাঙৰ সুবিধাটো হ’ল ইয়াৰ অতি কম সূদৰ হাৰ (সাধাৰণতে ৪% ৰ পৰা ৭%)। যদি কৃষকে সময়মতে ঋণ পৰিশোধ কৰে, তেন্তে চৰকাৰে সূদৰ ওপৰত অতিৰিক্ত ৰাজসাহায্যও (Interest Subvention) প্ৰদান কৰে।
KCC ঋণ কেনেকৈ লাভ কৰিব পাৰি?
KCC ঋণ লাভ কৰাৰ প্ৰক্ৰিয়াটো তলত দিয়া ধৰণে কৰিব পাৰি:
১/ বেংক বা গ্ৰাহক সেৱা কেন্দ্ৰ (CSC) ত যোগাযোগ: কৃষকজনে নিজৰ ওচৰৰ যিকোনো ৰাষ্ট্ৰীয়কৃত বেংক (যেনে— SBI, AGVB, UCO Bank আদি) বা নিকটৱৰ্তী ডিজিটেল সেৱা কেন্দ্ৰলৈ গৈ KCC ফৰ্ম সংগ্ৰহ কৰিব লাগিব।
Share your comments