জৈৱিক সাৰযুক্ত উৎপাদনেৰে শাক পাচলি খাব যদি বিচাৰে তেন্তে ঘৰৰ বেলকনি, খিৰিকীৰ কাষৰ খালী ঠাই নতুবা ছাদৰ ওপৰতে এখন টেৰেছ তৈয়াৰ কৰি ধুনীয়া শাক-পাচলিৰ বাগিছা এখন গঢ়ি তুলিব পাৰে। এনেস্থলত শাক-পাচলি ক্ৰয় কৰিবলৈ আপুনি বজাৰলৈ যোৱাৰ প্ৰয়োজন নাই। এনেদৰে খুউব সহজে ঘৰতে খেতি কৰিব পৰা এবিধ পাচলি ঘৰতে খেতি কৰিব পৰা এবিধ পাচলি হ’ল ‘বিলাহী’। ঘৰতে কৰা বিলাহী খাব বিচাৰিলে প্ৰথমে বিলাহীৰ পুলি এটা টাবত ৰুই ল’ব। চাব যাতে মাটিখিনি কেঁচুমতা সাৰ হয়। কিছু ৰ’দ পৰা ঠাইত টাবটো ৰখা উচিত। যিহেতু বিলাহী পুলি এটা বাঢ়িবলৈ যথেষ্ট পুষ্টিৰ প্ৰয়োজন, সেয়েহে পুলি ৰোৱা মাটিখিনি ভাল হ’ব লাগে। পুলিটো বাঢ়িব পৰাকৈ টাবটোৰ জোখ বাচি ল’ব। পুলিটো বৃদ্ধি পাবলৈ পুলিটোৰ গুৰিত ৰান্ধনি শালৰ পেলনীয়া শাক-পাচলিৰ বাকলিৰে ভৰাই ৰাখিব। এইবিলাকেও জৈৱিক সাৰ হিচাপে কাম কৰে। ক্ৰমান্বয়ে পুলিটো বাঢ়ি অহাৰ লগে লগে মাজে মাজে মাটিখিনি খুঁচৰি থাকিব আৰু পুলিটো হাউলি নাযাবৰ বাবে পুলিটোৰ গাত এডাল কাঠৰ মাৰি বা ষ্টিক লগাই ৰাখিব। নিতৌ পুলিটোৰ গুৰিত পানী দিব। এনেদৰে যতন লৈ এদিন ইয়াৰ ফচল খাবলৈ পাব। কিমান যে ভাল লাগিব সেয়া আপুনিহে অনুভৱ কৰিব।
Share your comments