আহি আছে মাটিকঠাঁল খেতিৰ বতৰ। বৰ্তমান সময়ত মাটিকঁঠালৰ চাহিদাৰ প্ৰতি লক্ষ্য ৰাখি আমাৰ কৃষকসকলে ইয়াৰ খেতি কৰি লাভান্বিত হ’ব পাৰে। যিসমূহ কৃষি পথাৰ বাম, ধান খেতি ভাল নহয় তেনে ঠাইত পানীৰ সুব্যৱস্থা্ কৰি আমাৰ কৃষকসকলে মাটিকঁঠালৰ খেতি কৰিব পাৰে। এবিঘা বাম মাটিৰ ধান খেতিৰ পৰা আমাৰ কৃষকসকলে এবছৰত যিমান উপাৰ্জন কৰিব মাটিকঠাঁলৰ খেতি পৰা তাতকৈ দহগুণ অধিক উপাৰ্জন কৰিব পাৰিব।
মাটিকঁঠাল খেতি কৰোঁতে কৃষকসকলে এটা পুলিৰ পৰা এটা পুলিৰ দূৰত্ব ১ ফুট বা ডেৰফুট দিব লাগে। শাৰীবিলাকৰ মাজত এজন ব্যক্তিয়ে ৩ ফুট মানৰ এখন বাহন চলাব নিব পৰা দূৰত্ব কৰিব লাগে। অলপ বহল কৰি ৰাখিলে বাগানখন চাফ-চিকুণাই ৰাখিব, পানী যোগান, সাৰ আৰু গছত ফল লাগিলে চিঙিবলৈ সুবিধা হ’ব। পুলিবোৰ ৰোপন কৰাৰ মাটিডোখৰ চহাই লব লাগে। পুলিবোৰ পোন পোন কৈ ৰচি টানি ৰুব লাগে। পুলিবোৰ ৰোপন কৰোঁতে গুৰিত পচন সাৰ প্ৰয়োগ কৰিব লাগে। এনেকৈ ৰোপন কৰিলে এবছৰতে মাটিকঠাঁলত ফল লাগিব। উল্লেখ্য যে পুলি ৰুলে এবছৰত আৰু মাটিকঁঠালৰ ওপৰত লগা মুঢ়া ৰোপন কৰিলে ফল লাগোতে ১৯-২০ মাহ লাগে।
লগতে পঢ়ক-
৫০০ জোপা কৰক, ২০-২৫ বছৰলৈ প্ৰতি বছৰে ২ লাখ টকাকৈ উপাৰ্জন কৰক
অনাৰস খেতিৰ সফলতা বহুখিনি নিৰ্ভৰ কৰে ইয়াৰ জাতসমূহৰ ওপৰতো। অসমৰ থলুৱা জাতটো খাবলৈ মিঠা, কিন্তু অলপ সৰু। অসমৰ মাটিৰ উপযোগী উন্নতমানৰ মাটিকঁঠালৰ সঁচকেইটা হ’ল- কিউ, কুইন আৰু মৌৰিটিয়াছ। এই জাতসমূহৰ বাবে বাম মাটি আৰু পাহাৰীয়া সাৰুৱা মাটি উপযোগী। অসমৰ বিভিন্ন অঞ্চল আমাৰ কৃষকসকলে পেলাই ৰাখে। এই পেলাই ৰখা ঠাইসমূহত চাৰিওফালটো জেওৰা মাৰি পানীৰ ব্যৱস্থা কৰি মাটিকঁঠালৰ খেতি কৰিব পাৰে।
সম্প্ৰতি বজাৰত এটা মাটিকঁঠালৰ দাম ৪০- ৬০ টকা। বৰ্তমান অসমত জৈৱিকভাৱে কৰা মাটিকঁঠালে ডুবাই আমেৰিকাৰ লগতে ভাৰতৰ দিল্লী, মুম্বাই আদি চহৰতো সমাদৰ লাভ কৰিছে। অসমৰ বজাৰতো ইয়াৰ চাহিদা আৰু বজাৰ মূল্য আছে। গতিকে ইয়াৰ খেতি কৰিলে লোকচানৰ সন্মুখীন বা বজাৰ অভাৱ নহয়। মাটিকঁঠাল খেতিৰ এই লাভজনক দিশটোৰ প্ৰতি লক্ষ্য ৰাখি এইবাৰ এবিঘা মাটিত পৰীক্ষামূলকভাৱে ইয়াৰ খেতি কৰি চাব পাৰে আমাৰ কৃষসকলে। এই খেতি এবাৰ কৰিলে আৰু ৫-৬ বছৰলৈ ইয়াৰ ফল লাভ কৰি থাকিব।
লগতে পঢ়ক-
Share your comments