জৈৱিক কৃষিৰে লাখ টকা উপাৰ্জন আদৰ্শ কৃষক জয়ৰাম গায়কৱাডৰ

মধ্য প্ৰদেশৰ বেতুল জিলাৰ বাগোলী গাঁৱৰ এজন আদৰ্শ কৃষক জয়ৰাম গায়কৱাডে । সম্প্ৰতি জৈৱিক কৃষিৰ জৰিয়তে চৰ্চাত জয়ৰাম । জৈৱিক পদ্ধতিৰে ৩০ একৰ মাটিৰ মাত্ৰ ১০ একৰ ব্যৱহাৰ কৰি বছৰি ৩৫ লাখ টকা উপাৰ্জন কৰি আন বহুতো কৃষকৰ আদৰ্শ হৈ পৰিছে তেওঁ ।

জয়ৰামে পাঁচ একৰত কুঁহিয়াৰৰ খেতি, দুই একৰত ভেৰ্মি-কম্পোষ্ট ইউনিট, গোশালা আৰু গোবৰ গেছ প্ৰকল্প, ডেৰ একৰত জৈৱিক ঘেঁহু আৰু বাকী ডেৰ একৰত জৈৱিক পাচলি খেতি কৰি আছে । তেওঁৰ গোহালিত ৫৫ টা গৰু আছে যাৰ পৰা তেওঁ প্ৰতিদিনে প্ৰায় ১৫০ লিটাৰ গাখীৰ পায় ।

জয়ৰামে কয় যে মধ্য প্ৰদেশ ৰাজ্যিক জৈৱিক প্ৰমাণপত্ৰ সমিতি, ভূপালত পঞ্জীয়ন হোৱাৰ পিছত তেওঁ বিগত ১৫ বছৰ ধৰি জৈৱিক কৃষি কৰি আহিছে।

তেওঁ কয় যে কুঁহিয়াৰৰ পৰা তেওঁ জৈৱিক গুড় নিৰ্মাণ কৰে, যাক বজাৰত প্ৰতি কিলোগ্ৰামত ৬০ টকা মূল্যত বিক্ৰী কৰা হয় । তেওঁ ৰাতিপুৱা গাখীৰ বজাৰত বিক্ৰী কৰে আৰু সন্ধিয়াৰ গাখীৰৰ পৰা তেওঁ মাৱা, পনীৰ, দৈ আৰু মাথা প্ৰস্তুত আৰু বিক্ৰী কৰে । এইটোৱে তেওঁলোকক এটা ভাল উপাৰ্জন দিয়ে । কৃষকসকলৰ উপাৰ্জন দুগুণ কৰাটো এটা ভাল বিকল্প । ই কেৱল কৃষকসকলৰ অৰ্থনৈতিক অৱস্থা উন্নত নকৰে, ইয়াৰ পৰিৱৰ্তে ই কৃষকসকলক আগবাঢ়ি যাবলৈ সাহস প্ৰদান কৰিব ।

তেওঁ উল্লেখ কৰে যে জৈৱিক সাৰ হিচাপে, তেওঁলোকে ভাৰ্মি-কম্পোষ্টো প্ৰস্তুত কৰে, যাৰ বিক্ৰীয়ে তেওঁলোকক এক ভাল উপাৰ্জন প্ৰদান কৰাৰ লগতে জৈৱিক কৃষিৰ প্ৰচাৰ কৰিছে । তেওঁ কয় যে প্ৰয়োজন হ'লে কৃষক কল্যাণ আৰু কৃষি উন্নয়ন বিভাগৰ বিষয়াসকলৰ সৈতে কথা পাতি তেওঁ কৃষি খণ্ডৰ নতুন প্ৰযুক্তিৰ সৈতে তেওঁৰ কাম আৰু জ্ঞান উন্নীত কৰি থাকে ।

ওচৰৰ গাৱঁৰ কৃষকসকলৰ বাবে জয়ৰাম আদৰ্শ হৈ পৰিছে । এতিয়া ওচৰৰ গাৱঁৰ কৃষকসকলেও জয়ৰামৰ পৰা নিৰ্দেশনা ল'বলৈ আহিবলৈ আৰম্ভ কৰিছে । কৃষকসকলে কয় যে এতিয়া তেওঁলোকেও কৃষক জয়ৰামৰ দৰে খেতিৰ দ্বাৰা উন্নত কৃষিৰ লগতে অধিক লাভ কৰিব বিচাৰে ।

লগতে পঢ়কঃ কৃষিক্ষেত্ৰত কাৰ্যকৰী অণুজীৱ (Effective Microorganisms) ৰ ভূমিকা