তিতা কেৰেলা এবিধ মুখৰােচক আৰু উচ্চ গুণ বিশিষ্ট পাচলি। বহুমূত্ৰ ৰােগৰ ৰােগীসকলৰ পৰম বন্ধু এইবিধ পাচলিৰ খেতি সাধাৰণতে আগতীয়াকৈ অক্টোবৰ নৱেম্বৰ মাহত, মধ্যমীয়াকৈ ফেব্ৰুৱাৰী- মার্চত আৰু শেহতীয়াভাৱে জুন-জুলাই মাহত কৰা হয়।
অৱশ্যে এই লিখনিত শেহতীয়াভাৱে কৰা তিতা কেৰেলাৰ কৃষি পদ্ধতিৰ বিষয়ে কিছু তথ্য দাঙি ধৰা হব -
মাটিঃ- পানী ওলাই যােৱাৰ সুব্যৱস্থা থকা, বালিঅঁহীয়া, পলসুৱা, অধিক জৈৱিক গুণ থকা, মাটিত ৬.০-৭.০ পৰিমাণৰ অম্লতা থকা মাটি এই খেতিৰবাবে উপযােগী।
মাটি প্রস্তুতঃ- ২-৩ বাৰ হাল বাই মৈয়াই
মাটিডৰা সমান কৰি মিহিকৈ চাহ কৰি ল'ব
লাগে।
সাৰ প্রয়ােগঃ- প্রতি বিঘাত ১০ কুইন্টল পচন সাৰ বা শুকান গােবৰ, ইউৰিয়া ১০ কিলােগ্রাম, ছুপাৰ ফছফেট ২৫ কিলােগ্রাম আৰু মিউৰিট অব পটাছসাৰ ৭ কিলােগ্রাম প্রয়ােজন। ইয়াৰে ইউৰিয়া সাৰৰ আধাভাগ আৰু সমুদায় সাৰখিনি মাটি চাহ কৰা সময়ত প্রয়ােগ কৰিব লাগে। আধাভাগ ইউৰিয়া ফুল আৰু ফল ধৰাৰ সময়ত টপদ্রেচ হিচাপে প্রয়ােগ
কৰিব লাগে।
জাতঃ- মনছুন মনৰ্ক, লং গ্রীণ মনছুন।
বীজৰ পৰিমাণঃ- বিঘাই প্রতি ৮০০-৯০০ গ্রাম।
বীজ সিঁচাৰ সময়ঃ জুন-জুলাই মাহৰ ভিতৰত।
ব্যৱধানঃ শাৰীৰ মাজৰ ব্যবধান ১.৫-২.৫ মিটাৰ আৰু গছৰ ব্যৱধান ৬০ ছেণ্টিমিটাৰ-১.২ মিটাৰ হ’ব লাগে।
জলসিঞ্চনঃ খৰাংবতৰত ৮-১০ দিনৰ অন্তৰে অন্তৰে জলসিঞ্চন কৰিৱ লাগে।
খেতি চপােৱাঃ- ফলবােৰ কোমল আৰু সেউজীয়া হৈ থাকোতে খেতি চপোৱাৰ উপযুক্ত হয়।
উৎপাদনঃ বিঘাই প্রতি ১৫-১৮ কুইন্টল।
Share your comments