Krishi Jagran Tamil
Menu Close Menu

ছালক ক্ষতিকাৰক সূৰ্যৰ ৰশ্মিৰ পৰা সুৰক্ষিত কৰাত চন্দনকাঠৰ তেল অতি উপকাৰী

Wednesday, 21 July 2021 04:28 PM
Sandalwood health benefits

Sandalwood health benefits

দিনক দিনে প্ৰদূষণৰ মাত্রা বাঢ়ি আহিছে। বৰ্ধিত প্ৰদূষণ আৰু দৈনন্দিন কাৰ্যকলাপৰ লগতে ভুল খোৱা-লোৱাৰ ফলত আমাৰ ছালৰ বিভিন্ন সমস্যা হবলৈ আৰম্ভ হৈছে। ছালত চোকোৰা, ফটা, ডাঠ দাগ পৰা আৰু চুলি সৰা সমস্যা সচৰাচৰ হোৱা দেখা যায়।

এই সমস্যাবোৰৰ পৰা আমি সকলোৱে পৰিত্ৰাণ পাব বিচাৰো। কিন্তু কেনেকৈ এইয়া সম্ভৱ আপুনি জানেনে? ছালৰ সমস্যা দূৰ কৰিবলৈ দৈনিক ৭-৮ ঘন্টা টোপনি, যথেষ্ট পানী খোৱা আৰু আপোনাৰ দৈনন্দিন জীৱনত স্বাস্থ্যকৰ খাদ্য খোৱা হৈছে মুখ্য উপায়। কিন্তু সেয়া যথেষ্ট নহয়।

চন্দন কাঠ হৈছে এনে এক আয়ুৰ্বেদিক প্ৰাকৃতিক উপাদান যি আপোনাৰ ছালৰ যত্ন লয়। এই সুগন্ধি উপাদানটো সাধাৰণতে পাউডাৰ হিচাপে পোৱা যায়। ছালৰ বিভিন্ন ৰোগৰ চিকিৎসাৰ বাবে চন্দন কাঠৰ তেল অতি উপযোগী। ছালক ক্ষতিকাৰক সূৰ্যৰ ৰশ্মিৰ পৰা সুৰক্ষিত কৰাত চন্দনকাঠৰ তেল অতি উপকাৰী।

চন্দনৰ বিভিন্ন লাভালাভবোৰ জানক 

প্ৰদাহ হ্ৰাস কৰে -

ব্রণ বা প্ৰদাহজনক গুণাগুণ বা সূৰ্যৰ তাপৰ ফলত হোৱা যিকোনো প্ৰকাৰৰ প্ৰদাহ হ্ৰাস কৰাত সহায় কৰে। পোক-পতংগৰ কামোৰ বা ছালৰ আন যিকোনো সমস্যা প্ৰতিহত কৰিবলৈ চন্দন কাঠৰ তেল ব্যৱহাৰ কৰিব পাৰি।

ছালৰ এলাৰ্জি হ্ৰাস কৰে -

চন্দন কাঠে ছালৰ প্ৰ'টিনৰ স্তৰ বৃদ্ধি কৰে যাৰ ফলত ছালৰ যিকোনো এলাৰ্জি সুৰক্ষিত হয়। ইয়াৰ ফলত আপোনাৰ ছাল কোমল হয় আৰু ছালৰ ছিদ্ৰবোৰ শক্তিশালী হয়। সেইকাৰণে বহুলোকে ফেচপেক বা টোনাৰত চন্দন কাঠ ব্যৱহাৰ কৰে।

এণ্টিচেপ্টিক হিচাপে ব্যৱহৃত -

চন্দনকাঠত এণ্টিচেপ্টিক উপাদান থাকে, যি ব্ৰণৰ দাগ আদি দূৰ কৰে। ধুলি আৰু লেতেৰাৰ পৰা ছালত যি বেক্টেৰিয়া বিকশিত হয়, তাৰপৰা পৰিত্রাণ পাবলৈ মুখত গাখীৰৰ সৈতে চন্দনকাঠৰ গুৰি মিহলি কৰি ঘঁহিলে সঁচাকৈয়ে লাভান্বিত হ'ব পাৰে।

ব্রণ আৰু ব্লেকহেড আঁতৰোৱাৰ বাবে -

এক চামুচ চন্দন কাঠৰ তেলত এক চিমুটি হালধি আৰু কর্পূৰ যোগ দিয়ক। এই পেকটো আপোনাৰ গোটেই মুখত প্ৰয়োগ কৰক। ব্রণ, দাগ আৰু ব্লেকহেডৰ পৰা পৰিত্ৰাণ পাবলৈ ইয়াক ৰাতিটো ৰাখিব। ইয়াৰ উপৰিও, 1 চামুচ চন্দন কাঠৰ গুৰি, 1 চামুচ নাৰিকল তেল আৰু অলপ নেমুৰ ৰস মিহলি কৰক আৰু ইয়াক আপোনাৰ মুখত প্ৰয়োগ কৰক, আধা ঘণ্টাৰ পিছত কুহুমীয়া পানীৰে ধুই দিয়ক।

ছাল কোমল কৰিবলৈ -

চন্দনকাঠৰ তেলেৰে আপোনাৰ মুখখন লাহে লাহে মালিচ কৰক আৰু ৰাতিপুৱা কুহুমীয়া পানীৰে ধুই দিয়ক।

ৰ'দৰ দহনৰ বাবে -

এচামুচ তিয়ঁহৰ ৰস, এক চামুচ দৈ, এক চামুচ মৌ, আৰু এক চামুচ চন্দন কাঠৰ গুৰি অলপ নেমুৰ ৰসত মিহলি কৰক আৰু ইয়াক ফেচ মাস্ক হিচাপে প্ৰয়োগ কৰক। প্ৰায় 15 মিনিটৰ বাবে ৰাখি থওক। এইটো সূৰ্যৰ প্রখৰ ৰ'দৰ দহন হ্ৰাস কৰাত সহায় কৰিব।

ক'লা দাগ আঁতৰোৱা -

নাৰিকল তেলৰ সৈতে 1 চামুচ চন্দন কাঠৰ গুৰি মিহলি কৰক আৰু ইয়াক আপোনাৰ মুখত মালিচ কৰক। গোটেই ৰাতি এনেদৰে থব ৷ নিয়মীয়াকৈ ব্যৱহাৰ কৰাৰ লগে লগে ডাঠ দাগ হ্ৰাস হ'ব।

তৈলাক্ত ছালৰ বাবে -

গোলাপজলৰ কেইটোপালমানত চন্দনকাঠৰ গুৰি মিহলি কৰক আৰু ইয়াক আপোনাৰ মুখত প্ৰয়োগ কৰক। আধা ঘণ্টাৰ বাবে এৰি দিয়ক আৰু ঠাণ্ডা পানীৰে ধুই পেলাওক। চন্দন হৈছে আপোনাৰ সৌন্দৰ্য আৰু সুন্দৰ, পৰিষ্কাৰ ছালৰ বাবে আটাইতকৈ নিৰ্ভৰযোগ্য উপাদান।

Sandalwood Health and lifestyle

Share your comments

Krishi Jagran Assamese Magazine Subscription Online Subscription

CopyRight - 2021 Krishi Jagran Media Group. All Rights Reserved.