Krishi Jagran Assam
Menu Close Menu

আমি কেনেকৈ বজ্ৰপাতৰ পৰা নিজকে ৰক্ষা কৰিব পাৰো

Monday, 08 April 2019 11:57 PM

#বজ্ৰপাতৰ ফলত প্ৰতি বছৰেই এপ্ৰিল , মে' মাহত বহুলোকৰ মৃত্যু হোৱাৰ বাতৰি পাওঁ ৷ এতিয়া বজ্ৰপাত পৰাৰ দিন সমাগত ৷ গতিকে আমি কেনেকৈ বজ্ৰপাতৰ পৰা নিজকে ৰক্ষা কৰিব পাৰো তাকে লিখিবলৈ লৈছো ৷

#প্ৰথমতেই কওঁ কিছু গাঁৱলীয়া সমাজত বজ্ৰপাতৰ সম্পৰ্কে অন্ধ বিশ্বাস আছে ৷ গতিকে আমি প্ৰথমতেই এই অন্ধ বিশ্বাস পৰিহাৰ কৰি বৈজ্ঞানিক দৃষ্টিভংগীৰে বজ্ৰপাত কি আৰু কেনেকৈ কিয় হয় এই বিষয়ে অধ্যয়ন কৰিব লাগিব ৷ কাৰণ অন্ধবিশ্বাসী মানুহে সত্যক মানিবলৈ টান পায় ৷

#চমুকৈ ক'বলৈ গ'লে, বতাহৰ ফলত বায়ুমণ্ডলৰ ওপৰৰ অংশত আৰু নিম্ন অংশত বায়ুৰ সৈতে পানীৰ সৰু সৰু কণিকাৰে ঘৰ্ষণৰ সৃষ্টি হয় আৰু এই ঘৰ্ষণৰ ফলত দুয়ো অংশতে অসংখ্য আধানৰ সৃষ্টি হয় ৷ বায়ুমণ্ডলৰ ওপৰৰ অংশত সাধাৰণতে যোগাত্মক (+) আধান আৰু নিম্ন অংশত ঋণাত্মক (--) আধানৰ সৃষ্টি হয় ৷ আনহাতে আমি সকলোৱে জানো যে বায়ু বিদুৎতৰ কু-পৰিবাহী ৷ কিন্তু যেতিয়া এই আধানৰ পৰিমান অত্যাধিক বৃদ্ধি পায় তেতিয়া বায়ুৰ এই ধৰ্ম ভেদি যোগাত্মক আধান ঋণাত্মক আধানলৈ খুউব বেগেৰে প্ৰবাহিত হয় ৷ আৰু তেতিয়া পোহৰ আৰু শব্দৰ সৃষ্টি হয় ৷ পোহৰৰ গতিবেগ শব্দতকৈ বেছি বাবে আমি পোহৰ আগত দেখা পাওঁ আৰু শব্দ পাছত শুনিবলৈ পাওঁ ৷ বায়ুমণ্ডলৰ উচ্চ অংশত সৃষ্টি হোৱা এই আধানবোৰ তীব্ৰ গতিৰে নিম্ন অংশৰ বিপৰীতধৰ্মী আধানৰ মাজেৰে ভূগৰ্ভলৈ পাৰহৈ যোৱা পৰিঘটনাটোৱেই হৈছে # বজ্ৰপাত ৷

 

#এতিয়া_আহো_বজ্ৰপাতৰ_পৰা_নিজকে_ৰক্ষা_কৰিব_পৰা_উপায়_সমূহলৈ ---

(১) মনত ৰাখিব বজ্ৰপাত সদায় সবাতোকৈ উচ্চ স্থানতহে পৰিব পাৰে ৷ গতিকে বিজুলী-ধেৰেকনি মৰা সময়ত কেতিয়াও মুকলি পথাৰত নাথাকিব বা মুকলি পথাৰৰ মাজেদি পাৰহৈ যাবলৈ চেষ্টা নকৰিব ৷ কাৰণ মুকলি পথাৰখনত আপুনিহে ওখ হৈ থাকিব ৷

(২) বিজুলী-ধেৰেকনি মৰাৰ সময়ত মুকলি স্থানত মোবাইলত কথা পাতি বা ছাতি লৈ নাথাকিব ৷

মোবাইল Switch Off কৰক ৷

(৩) আপুনি যদি বিজুলী-ধেৰেকনি মৰাৰ সময়ত কোনোবা পথাৰ নাইবা হাবিৰ মাজত থাকি গ’ল ৷ তেতিয়া আপুনি কেতিয়াও ওখ গছৰ তলত আশ্ৰয় নলব ৷ কোনোবা চাপৰ গছ এজোপাৰ তলত আশ্ৰয় লওঁক ৷

(৪) বিজুলী-ধেৰেকনি মৰাৰ সময়ত মুকলি ওখ মথাউৰিৰ মাজেৰে খোজকাঢ়ি বা বাইক চলাই নোজোৱাটোৱেই মংগল ৷

(৫) আপুনি যদি বিজুলি -ধেৰেকনি মৰাৰ সময়ত কোনোবা বাছ নাইবা গাড়ীৰ ভিতৰত আছে তেন্তে চিন্তা নকৰি সাৱধানে বহি ৰওঁক ৷ কিন্তু গাড়ীৰ দৰ্জা, খিৰিকি বা বডীত স্পৰ্শ কৰি নাথাকিব ৷

(৬) ঘৰত বজ্ৰপাত নপৰিবলৈ ঘৰৰ ওপৰৰ পৰা মাটিলৈ বিদুৎ পৰিবাহী দণ্ড লগাওঁক ৷

(৭) বিজুলী-ধেৰেকনি মৰাৰ সময়ত বৈদুৎতিক মাধ্যম সমূহ ব্যৱহাৰ নকৰি সংযোগ বিচিন্ন কৰি ৰাখক ৷

মনত ৰাখিব আপোনাৰ ধৈৰ্য্য আৰু অলপ সতৰ্কতাই আপোনাক বজ্ৰপাতৰ দৰে ভয়ংকৰ দূৰ্য্যোগৰ পৰা নিজকে ৰক্ষা কৰিব পাৰি ৷ গতিকে নিজেও বাচক আৰু আনকো সতৰ্ক কৰি তেওঁলোকৰো জীৱন ৰক্ষা কৰক ৷

 

# Ajit chandra baroah majuli ৰপৰা সংগ্ৰহীতঃ

How to stay safe from thunder-stroke

Share your comments

Krishi Jagran Assamese Magazine Subscription Online Subscription

CopyRight - 2019 Krishi Jagran Media Group. All Rights Reserved.