Krishi Jagran Tamil
Menu Close Menu

Pearls Farming - কেনেদৰে কৰিব মুক্তা খেতি? মুক্তাৰ ব্যৱসায় কৰি কোটি পতি হওঁক

Tuesday, 30 November 2021 12:09 PM
Pearl Farming

Pearl Farming

কৃষকসকলে মাছ খেতিৰ লগতে অধিক উপাৰ্জন কৰিব বিচাৰিলে ওচৰৰ পুখুৰী, জলাশয় আৰু ঘৰৰ খালী মাটিত সৰু পুখুৰী খনন কৰি মুকুটা খেতি আৰম্ভ কৰিব পাৰে। মুক্তা হৈছে এক অলংকাৰ যি দেশ আৰু বিদেশৰ সকলো ঠাইতে যথেষ্ট চাহিদা আছে। বর্তমান সময়ত শৰীৰৰ অলংকাৰৰ পৰা ঘৰ সজোৱালৈকে, ইয়াৰ চাহিদা বৃদ্ধি পাইছে।

আমাৰ নিবনুৱা যুৱক/মহিলাই এই খেতি কৰি যথেষ্ট টকা উপাৰ্জন কৰিব পাৰে। আৰু নিজকে স্বাৱলম্বী কৰি তুলিব পাৰে। তলত বৈজ্ঞানিক ভিত্তিত মুকুতাৰ খেতিৰ বিশদ বৰ্ণনা কৰা হ'ল যাতে কৃষকসকলে ইয়াৰ বিষয়ে তথ্য লাভ কৰিব পাৰে আৰু ইয়াৰ খেতি আৰম্ভ কৰিব পাৰে।

আৰু পঢ়ক- উলম্ব কৃষি পদ্ধতি কৃষিভূমি নাটনিৰ এক আধুনিক সমাধান

খেতি পদ্ধতি (Farming Process)

   মুকুতাৰ খেতিৰ বাবে কমেও 10X10 ফুট বা ডাঙৰ পুখুৰীৰ প্ৰয়োজন। ইয়াৰ অনুকূল খেতিৰ বতৰ অক্টোবৰৰ পৰা ডিচেম্বৰ লৈ অৰ্থাৎ শৰৎ কালত ভাল হয়। বাণিজ্যিক মুক্তা খেতিৰ বাবে, 0.4 হেক্টৰ বা অলপ ডাঙৰ পুখুৰীত সৰ্বাধিক 25,000 ঝিনুক উৎপাদন আৰম্ভ কৰিব পাৰি। ইয়াৰ বাবে, কৃষকজনে উপকূলীয় অঞ্চল আৰু পুখুৰী, নদী আৰু জলাশয়ৰ পৰা ঝিনুক সংগ্ৰহ কৰিব লাগিব। সাগৰীয় অঞ্চলৰ পৰা ঝিনুক কম দামত ক্ৰয় কৰিব পাৰি। প্ৰতিটো ঝিনুকৰ মাজত চাৰিৰ পৰা ছয় মি:মিৰ ভিতৰত স্বাভাৱিক আকাৰলৈকে বা ডিজাইনৰ বীড সুমুৱাই দিয়া হয়।

অৰ্থাৎ, মুক্তা সঠিক আকৃতিত প্ৰস্তুত কৰিবলৈ জীৱিত ঝিনুকৰ শৰীৰত মুক্তা পৰিচালনা কৰিব লাগে। এই সময়ছোৱাত, সেই আকাৰৰ কেলচিয়াম কাৰ্বনেটৰ টুকুৰা এটা জীৱিত ঝিনুকৰ শৰীৰত সুমুৱাই দিয়া হয়। এই টুকুৰাটো প্ৰায় ৬ মাহ ধৰি ঝিনুকৰ শৰীৰ আৰু পুখুৰীত জীয়াই থাকে। তাৰ পিছত, ইয়াক লাহে লাহে মুক্তাৰ ৰূপত প্ৰস্তুত কৰা হয়।

লাভ (Benefit):

   যদি কৃষকসকলে সাগৰীয় এলেকা বা অন্যান্য পুখুৰী আৰু জলাশয়ৰ পৰা ঝিনুক সংগ্ৰহ কৰে, তেওঁলোকৰ লাভ অধিক হ'ব। কিন্তু হাজাৰ হাজাৰ ঝিনুক সংগ্ৰহ কৰাটো একেবাৰে সম্ভৱ নহয়। গতিকে কৃষকসকলে ইয়াক সামুদ্ৰিক অঞ্চলৰ পৰা 20-30 টকাত ক্ৰয় কৰিব পাৰে। উৎপাদনৰ পিছত, এক মি:মিৰ পৰা 20 মি:মি ঝিনুকৰ মুক্তাৰ মূল্য প্ৰায় 300 টকাৰ পৰা 150 টকালৈকে হয়। যদি মণিবোৰ অলপ নতুনকৈ ডিজাইন কৰা হয়, বজাৰ মূল্য আৰু বৃদ্ধি হয়। স্থানীয় বজাৰৰ তুলনাত ৰপ্তানিকাৰী কোম্পানীবোৰত বিক্ৰী বেছি কৰিব পাৰি। মুক্তা সাজু হোৱাৰ পিছত বজাৰত খালী হৈ থকা ঝিনুক বিক্ৰী কৰিও অতিৰিক্ত ধন সংগ্ৰহ কৰা সম্ভৱ। স্কেললেপটো বহুতো সজ্জাৰ সামগ্ৰীত ব্যৱহাৰ কৰা হয়। কনৌজৰ সুগন্ধি তেলও ঝিনুকৰ পৰা আহৰণ কৰা হয়। মুকুতাৰ খেতি পৰিৱেশৰ বাবে অনুকূল। কাৰণ ঝিনুকে নদীৰ পানী আৰু পুখুৰীৰ পানী পৰিশোধিত কৰিব পাৰে। ইয়াৰ দ্বাৰা আমি পানী প্ৰদূষণৰ সমস্যাৰ পৰা পৰিত্ৰাণ পাব পাৰোঁ।

আৰু পঢ়ক- Winter Skincare : শীতকালত শুকান ছালৰ ৰুক্ষতা দূৰ কৰিবলৈ এই খাদ্যবোৰ খোৱা আৰম্ভ কৰক

পাঁচশ টকা ব্যয় কৰি পাঁচহাজাৰ টকা উপার্জন কৰিব পাৰি

  এবাৰ ৰাষ্ট্রীয় সংবাদ মাধ্যমত প্রকাশিত সাক্ষাৎকাৰত দেখিছিলো, এজন সফল কৃষকৰ মতে, ঝিনুকৰ পৰা মুক্তা তৈয়াৰ কৰিবলৈ প্ৰায় ৪০০ৰ পৰা ৫০০টকা ব্যয় হয়। আৰু ইয়াৰ বজাৰ মূল্য প্ৰায় চাৰি হাজাৰৰ পৰা পাঁচ হাজাৰ টকাৰ ভিতৰত। উল্লেখ্য যে, এই মুক্তা খেতিৰ প্ৰশংসনীয় কামৰ বাবে তেওঁক জিলা পৰ্যায় আৰু ৰাজ্যিক পৰ্যায়ৰ পৰা পুৰস্কৃত কৰা হৈছে।

প্ৰশিক্ষণ (Training) -

  ভূৱনেশ্বৰৰ (উৰিষ্যা) Central Institute Of Freshwater Aquaculture ত মুক্তা খেতিৰ প্ৰশিক্ষণ প্ৰদান কৰা হয়। প্ৰতিষ্ঠানটোৱে গ্ৰাম্য যুৱ, কৃষক আৰু শিক্ষাৰ্থীসকলক মুক্তা উৎপাদনৰ ওপৰত কাৰিকৰী আৰু বৈজ্ঞানিক প্ৰশিক্ষণ প্ৰদান কৰে। এই সন্দৰ্ভত কৃষক আৰু শিক্ষাৰ্থীসকলক কাৰিকৰী তথ্যও প্ৰদান কৰা হয়। মুক্তা খেতিৰ বৈজ্ঞানিক তথ্য দেশৰ বিভিন্ন কৃষি বিজ্ঞান কেন্দ্ৰৰ পৰাও পোৱা যায়, যি যিকোনো প্ৰশিক্ষণ কেন্দ্ৰত মুক্তা প্ৰাকৃতিকভাৱে প্ৰস্তুত কৰাৰ বাবে তথ্য প্ৰদান কৰে।

মুক্তা তিনি প্ৰকাৰৰ আছে। এটা হৈছে কৃত্ৰিম মুক্তা, এটা হৈছে প্ৰাকৃতিক মুক্তা (সাগৰত প্ৰস্তুত) আৰু আনটো প্ৰকাৰ হৈছে কালচাৰড মুক্তা। কৃষকসকলে সাধাৰণতে কালচাৰড মুক্তাৰ খেতি কৰে, যাতে তেওঁলোকে নিজে আকাৰ দিব পাৰে। তেওঁ এই খেতিৰ বাবে উৰিষ্যা প্ৰতিষ্ঠানৰ পৰা প্ৰশিক্ষণো লোৱা বুলি কৈছিল।

মুক্তা খেতিৰ প্ৰশিক্ষণ পাবলৈ পশ্চিম বংগৰ মিফা - 7872640589ৰ সৈতে যোগাযোগ কৰিব পাৰে। (অৱশ্যে প্ৰশিক্ষণ লবলৈ গৈ ঠগ প্রৱঞ্চনাৰ বলি হলে কৃষি জাগৰণ দায়ী নহয়, গতিকে বিত্তীয় লেনদেন কৰিলে সাৱধানতা অৱলম্বন কৰিব )

আৰু পঢ়ক- আমেৰিকাত লোভনীয় চাকৰি এৰি মাত্র ২০টা গৰুৰে কৰা ইন্দুকুৰীৰ ব্যৱসায় বর্তমান ৪০ কোটিৰ

Share your comments

Krishi Jagran Assamese Magazine Subscription Online Subscription

CopyRight - 2022 Krishi Jagran Media Group. All Rights Reserved.